Pardesi Babu Dialogues | Bollywood Drama Film | Dialouges Status

Pardesi Babu Dialogues | Bollywood Drama  Film | Dialouges Status

Pardesi Babu Dialogues | Bollywood Drama  Film

Aapki nazaron mein paisa pyar aur bhagwan dono se bada hai ... aap samajhte hai joh madhurta paison mein hai woh Sharda ke sitar mein, Vishnu ke shank mein nahi ... aap samajhte hai joh sundarta paison mein hai woh Rati ki surat mein nahi, swarg ki jhanki mein nahi ... paise mein joh pavitatra hai woh Ganga ke pani mein nahi, Savitri ke daman mein nahi ... paise mein joh taqat hai woh maa ke aashirwad mein nahi, devtaon ke zubaan mein nahi ... satya, shiv, sundar sab paisa hai ... jiske paas paisa hai woh raja aur jiske paas paisa nahi woh Raju?
Joh dil ke kareeb hote hai na ... unke rang, roop aur mahek kabhi nahi jaate
Is sansar mein koi kisi ka malik nahi aur koi kisi ka naukar nahi ... sabka malik ek hai woh upar waala ... hum sab ussi ke naukar hai
Aankh ke andhe ko toh phir bhi thikana mil jaata hai ... akal ke andhe ko koi thikana nahi milta
Pehle paisa insaan ke haath ki mail hua karta tha ... aur aaj insaan ke haath mail mein paisa dhoondte hai
Dil left mein hota hai magar hamesha right hota hai
Amiron ke gharon ki deewaron mein roshni aane ke liye bahut si khidkiyan hoti hai ... magar gareeb ke ghar mein toh roshni tabhi aati hai ... jab us bechare ke ghar ki deewar girti hai
Aapne insaan banaya achcha kiya, dil banaya bahut bura kiya ... aapne duniya banayi achcha kiya, magar aapne paisa banaya bahut bura kiya
Woh is duniya se alag toh nahi ... lekin unka pyar is duniya se alag hai
Pyar chhal nahi ... tyag hai, tapasya hai, pooja hai, prarthana hai, ibaadat hai, ardaas hai
Har taj sarr ke liye hota hai ... lekin har sarr taj ke liye nahi
Pyar karne waalon ko pyar khud apna falsafa batata hai
Oye guess kar ... chawani doonga
Maine kisi devta ko nahi dekha ... par tumhe dekh ke aaisa lagta hai ki woh tumse alag nahi hoga
Agar hum mile toh hamara muqaddar ... aur na mile toh hamari taqdeer
Oh tu rail gaddi vich paida hui thi? ... jab dekho Rajdhani Express ki tarah bhaagti hui nazar aati hai